არასამთავრობო ორგანიზაციათა კოალიცია ,,საზოგადოებრივი ინიციატივა' შს მინისტრისგან ჭიდაობის ფედერაციის პრეზიდენტის ლუკა კურტანიძის თანამდებობიდან გათავიუსფლებას მოითხოვს და ამ მიზნით ირაკლი ღარიბაშვილის მიმართვას უგზავნის. როგორც ორგანიზაციის მიერ გავრცელებულ მიმართვის განცხადებაშია აღნიშნული ,,30 იანვარს, ჭიდაობის ფედერაციის პრეზიდენტმა ელდარ კურტანიძემ, ფედერაციის ვიცე-პრეზიდენტი თემურ ყაზარაშვილი და ვეტერანი მოჭიდავე რაიდ აბრამიშვილი ცემა. ამ ფაქტთან დაკავშირებით დაიწყო საგამოძიებო მოქმედებები, შსს-ს ინფორმაციით, მომხდარზე სისხლის სამართლის საქმე სსკ-ის 120-ე მუხლის პირველი ნაწილით აღიძრა, თუმცა 5 თებერვალს, ტელეკომპანია „რუსთავი 2"-ის ეთერში, თქვენ განაცხადეთ, რომ თემურ ყაზარაშვილსა და ლუკა კურტანიძეს შორის მომხდარი დაპირისპირება პირადი კონფლიქტია და სამართალდამცავებს ასეთი ტიპის კონფლიქტების გასარკვევად დრო არ აქვთ. თქვენ მიერ გაკეთებული განცხადება ინციდენტის პრევენციის ნაცვლად ძალადობის წახალისებად შეიძლება ჩაითვალოს, რადგანაც სამოქალაქო სექტორის პროტესტის მიუხედავად, ელდარ კურტანიძე დღემდე ინარჩუნებს პოლიციის აკადემიის პრორექტორის თანამდებობას, ხოლო რაც შეეხება გამოძიებას, მაღალი საზოგადოებრივი ინტერესის მიუხედავად არ მომხდარა შესაბამისი და ადეკვატური რეაგირება", _ნათქვამია განცხადებაში.
,,საზოგადოებრივი ინიციატივა' ირაკლი ღარიბაშვილისგან ელდარ კურტანიძის გათავიუსფლებას მოითხოვს.
,,არასამთავრობო ორგანიზაციები მოვითხოვთ პირადად თქვენგან და თქვენი უწყებიდან, მოხდეს ძალადობის პრევენცია და საჯარო მოხელე ბატონი ელდარ კურტანიძე გათავისუფლდეს პოლიციის აკადემიის პრორექტორის თანამდებობიდან.ვიმედოვნებთ, რომ ჩვენს მოთხოვნას მოყვება თქვენის მხრიდან ადეკვატური რეაგირება, ხოლო ინციდენტიდან ერთი თვის თავზე მაინც გახდება საზოგადოებისათვის ცნობილი გამოძიების შედეგები. გთხოვთ, ინფორმაცია თქვენი გადაწყვეტილების შესახებ, გვაცნობოთ ასევე წერილობით, რისთვისაც წინასწარ გიხდით მადლობას", -ნათქვამია გავრცელებულ განცხადებაში.