საზოგადოებრივი მაუწყებლის საინფორმაციო სამსახურში განვითარებულ მოვლენებზე სამეურვეო საბჭო უახლოეს სხდომაზე იმსჯელებს. როგორც ბორდის ხელმძღვანელი ლევან გახელაძე აცახდებს, ცალკეულ წევრებთან კონსულტაციები მიმდინარეობს და ჯერ კონკრეტული გადაწყვეტილება მიღებული არ არის. ის, რომ ხათუნა ბერძენიშვილი საზოგადოებრივი მაუწყებლის საინფორმაციო სამსახურის უფროსის თანამდებობიდან გათავისუფლებულია, გუშინ გახდა ცნობილი.
"საზოგადოებრივი მაუწყებლის ირგვლივ განვითარებულ მოვლენებზე და ბერძენიშვილის თანადებობიდან გათავისუფლების საკითხზე ჩვენ რეაგირებას მოვახდენთ. უახლოეს სხდომაზე ვისმჯელებთ. ან შესაძლოა მანამდეც, ამ თემასთან დაკავშირებით დაინიშნოს სპეციალური სხდომა. საზოგადოების ინტერესი ამ ფაქტისადმი ძალიან დიდია. ასევე საინტერესოა იმ ექსპერტების მოსაზრებები, რომლებიც ამდენი ხნის მანძილზე მკაფიოდ აფიქსირებდნენ თავიანთ პოზიციებს დღეს რატომ არიან ჩუმად?", -აცხადებს გახელაძე.
მასალის გამოყენების პირობები