„აჭარის ავტონომიური რესპუბლიკის ტერიტორიაზე სტიქიის შედეგად დაზარალებული ოჯახების შემსწავლელმა სამთავრობო კომისიამ" ქობულეთის მუნიციპალიტეტში დაასრულა სტიქიის შედეგად დაზარალებული ოჯახების შესწავლა. მონიტორინგის ფარგლებში შესწავლილი იქნა იმ 43 ოჯახის საცხოვრებელი სახლის მდგომარეობა, რომელიც დანგრეულია და აღდგენას არ ექვემდებარება. კომისიის წევრებმა შესწავლა მუნიციპალიტეტის 14 სოფელში (ხალა, დაგვა, აჭყვა, ჩაისუბანი, ჭახათი, ციხისძირი, საჩინო, ბობოყვათი, ბუკნარი, სახალვაშო, ქაქუთი, ოჩხამური, გვარა და დაგვა) განხორციელეს. შესწავლის პროცესი 5 თებერვალს დაიწყეს და 13 თებერვალს დაასრულეს. კომისიის შემადგენლობაში აჭარის ა.რ. ჯანმრთელობისა და სოციალური დაცვისა სამინისტროს დევნილთა და განსახლების დეპარტამენტის, აჭარის გარემოს დაცვისა და ბუნებრივი რესურსების სამმართველოს გეოლოგიის სამსახურისა და ქობულეთის მუნიციპალიტეტის წარმომადგენლები შედიან.
მასალის გამოყენების პირობები
