14, 15,16 და 17 თებერვალს, მიხეილ თუმანიშვილის სახელობის კინომსახიობთა თეატრში სპექტაკლის "ამორ" უცანური სიყვარულის ისტორია პრემიერა გაიმართება.
გერმანელი მწერლის პეტერ ჰირჰეს პიესის მიხედვით სპექტაკლი დადგა ნინო ბურდულმა, ქორეოგრაფი მარიამ ალექსიძე.
სპექტაკლში მონაწილეობენ მსახიობები: ქეთი ასათიანი და პაატა ინაური.
„მსოფლიოში ყველაზე უცნაური სიყვარულის ისტორია" დაწერილია XX საუკუნის 50-იანი წლების დასაწყისში, როდესაც ადამიანები ჯერ კიდევ II მსოფლიო ომის ტყვეობაში იყვნენ ემოციურად და ფსიქოლოგიურად.
პიესა კონცენტრირებულია ქალისა და მამაკაცის მარადიულ ლტოლვაზე სიყვარულისკენ. ეს ლტოლვა უფრო მნიშვნელოვანია, ვიდრე თითოეული ცალკე აღებული წყვილის კონკრეტული სასიყვარულო ისტორია. ამიტომ ოცნებობენ ადამიანები სიყვარულზე - რომელიც სინამდვილეში არ გავს ხოლმე მათს ოცნებას, ამიტომ ეძებენ იდეალს, და ხშირად გვერდზე მყოფს ვერ ხედავენ.
სიუჟეტურად პიესა აგებულია ქალისა და მამაკაცის პარალელურ არსებობაზე. თითოეული მათგანი კონკრეტულ, რეალურ სიტუაციებში იმყოფება და ამავე დროს წარმოსახვით ამყარებს ურთიერთობას თავის „ოცნებასთან".
