"დღეს დავუკავშირდები აფხაზურ მხარეს, რამდენიმე კოლეგას და იმედი მაქვს რომ ილორი დაიბრუნებს ძველს სახეს", - განაცხადა ოდიშარიამ და აღნიშნა, რომ როცა პირველად ილორი ნახა, რესტორანი ეგონა.

"ილორი დაემსაგავსა უცნაურ შენობას. პორველად რომ ვნახე რესტორანი მეგონა", - განაცხადა ოდიშარამ. მისივე განცხადებით, აღნიშნულ საკითხთან დაკაშირებით კულტურის სამინისტრო ინფორმაციას მიაწვდის იუნესკოს და ევროპელ კოლეგებს.

ოდიაშარია აცხადებს, რომ ქართული მხარე ამ მოლაპარაკების პროცესში წარმატებას მიაღწევს.

"ამ საკითხთან დაკაშირებით აუცილებლად შევატყობინებთ ევროპელ სპეციალისტებს, რომლებიც მზად არიან დაგვეხმარონ და იმედი მაქვს წარატებას მივაღწევთ", - განაცხადა ოდიშარიამ და აღნიშნა, რომ ილორის საკითხზე აფახაზურ მხარესთან ადრეც ჰქონდა კონსულტაციები, თუმცა შედეგს ვერ მიაღწია.

"ჩვენ ვცდილობდით ერთად გაგვეკეთებინა რეკონსტრუქცია, მაგრამ ვერ მოვახერხეთ. რადგან ვერ მოხერხდება შეთანხმება თუ საიდან უნდა შესულიყვნენ უცხოელი სპეციალისტები სოჭიდან თუ აფხაზეთის მხრიდან", - განაცხადა ოდიშარიამ.

შსეგახსენებთ, რომ აფხაზ სეპარატისტთა ლიდერმა ალექსანდრე ანქვაბმა ბედიის, მოქვისა და ილორის ტაძრების რეკოსტრუქციის განკარგულება გასცა. ქართული ხუროთმოძღვრების ისტორიული ნიმუშების მდგომარეობა ამჟამად იმდენად მძიმეა, რომ სეპარატისტები ამ საკითხზე უახლოეს მომავალში უშიშროების საბჭოს სხდომის მოწვევასაც გეგმავენ. აფხაზეთის ე.წ. უშიშროების საბჭოს მდივანი სტანისლავ ლაკობა აცხადებს, რომ უშიშროების საბჭოს სხდომა ამგვარ საკითხს პირველად მიეძღვნება. აფხაზური მედიის ინფორმაციით, ანქვაბმა თათბირზე აღნიშნა, რომ "დღეს სახელმწიფოს ყველანაირი საშუალება გააჩნია იმისათვის, რომ აფხაზეთის ტერიტორიაზე არსებული ისტორიული ძეგლების რეკონსტრუქციასა და აღდგენაზე მასშტაბურად იზრუნოს". "ალექსანდრე ანქვაბმა მიმართა მეცნიერებს და მათ ბედიის, მოქვისა და ილორის ტაძრების რეკონსტრუქციის წინადადებების შემუშავება დაავალა. მან ასევე ლიხნის ტაძრის გადახურვის შესახებ დასკვნის გაკეთება მოითხოვა", _ იუწყება აფხაზური მხარე.
"ჩვენ არ უნდა დავუშვათ, რომ უძველესო ობიექტები ქვების გროვად იქცეს და ახალგაზრდა თაობამ არაფერი იცოდეს ჩვენი მდიდარი ისტორიის შესახებ", - განაცხადა ანქვაბმა თათბირზე.