კანონში „საზოგადოებრივი საჭიროებისათვის გადაუდებელი აუცილებლობისას საკუთრების ჩამორთმევის წესის შესახებ" შეტანილი ცვლილებები უკვე ამოქმედდა. ცვლილება „საკანონმდებლო მაცნეში" გამოქვეყნდა. ცვლილების მიხედვით კანონში უფრო მკაფიოდ გაიწერა, თუ რა მიიჩნევა გადაუდებელ აუცილებლობა და ასევე თუ როგორ განისაზრება ანალოგიური ობიექტების ღირებულება.
გადაუდებელ აუცილებლობას განეკუთვნება ვითარება, რომლის დროსაც საომარი ან საგანგებო მდგომარეობის, ეკოლოგიური კატასტროფის, სტიქიური უბედურების, ეპიდემიის, ეპიზოოტიის საშიშროების გამო საფრთხე ექმნება ადამიანთა სიცოცხლეს ან ჯანმრთელობას, სახელმწიფო ან საზოგადოებრივ უსაფრთხოებას.
ასევე განისაზღვრა საკუთრების საფასურის გაცემის წესიც.
საკუთრების ობიექტის საფასურს განსაზღვრავს უფლებამოსილი სახელმწიფო ორგანო, წინასწარი, სრული და სამართლიანი ანაზღაურების პრინციპიდან გამომდინარე. საკუთრების ობიექტის საფასური მესაკუთრეს მიეცემა საკუთრების ჩამორთმევამდე.
