„საგაზაფხულო სამუშაოების მოსამზადებელი პროცესი დასრულდა. ამ მიმართულებით, როგორც იცით, ძირითადი პრობლემა იყო აღრიცხვიანობა. დაახლოებით 1,5 თვის განმავლობაში კარდაკარ სიარული დაგვჭირდა იმისათვის, რომ მისისა და მისი მფლობელის შესახებ შეძლებისდაგვარად სრულყოფილი ინფორმაცია მოგვეპოვებინა. აღწერილია დაახლოებით 800 ათასი ნაკვეთი. მინდა გითხრათ, რომ საგაზაფხულო პროგრამის ბენეფიციარი იქნება დაახლოებით 600 ათასი ადამიანი, რომლებთან გაეწევათ ის სერვისები, რომლებიც მათთვის იყო დაპირებული"- აცხადებს მინისტრი.

როგორც დავით კირვალიძე განმარტავს ვაუჩერების დარიგება უახლოეს პერიოდში დაიწყება, თუმცა ამ დროისათვის სოფლებში გამოკრულია სია, რათა მოსახლეობამ საკუთარი თავი ამ სიებში გადაამოწმოს და ხარვეზის არსებობის შემთხვევაში სამინისტრო მას აუცილებლად აღმოფხვრის.

„უახლოეს დღეებში დარიგდება დამადასტურებელი ვაუჩერების დარიგება. რეალურად ბენეფიციარები მიიღებენ ვაუჩერს, რომლითაც საშუალება ექნებათ შეიძინონ ხვნის სერვისი, ხვნას შემდეგ მოყვება კულტივაცია, მათ თავისუფალი ვაუჩერით, რომელიც განსაზღვრულია 300 ლარის ფარგლებში, საშუალება ექნებათ სურვილისამებრ შეიძინონ სასუქი ან სათესლე მასალა და სხვა",- განაცხადა დავით კირვალიძემ.

კირვალიძის განმარტებით, საგაზაფხულო სამუშაოები არსებული რესურსებით დაიწყება, თუმცა მოხდება დამატებითი ტექნიკის შეძენაც.

„ის მონაცემთა ბაზა, რომელიც უკვე შედგენილია მნიშვნელოვანია მომდევნო სეზონებისათვის. რეალურად ამ მილიარდიანი ფონდის, რიმელსაც სახელად ქვია მილიარდიანი ფონდი თორემ ალბათ თანხა სოფლის მეურნეობაზე მეტი დაიხარჯება", - აცხადებს დავით კირვალიძე.

მინისტრის განმარტებით, პარალელურად მიმდინარეობს ტრაქტორისტების გადამზადების პროგრამაც. „ამ პროცესში დამატებით 900 ათასი ადამიანი უნდა დასაქმდეს. სოფლის მეურნეობის სამინისტრო ყველა რაიონში საკუთარი საკონსულტაციო ცენტრის შექმნის პროცესს უკვე ასრულებს. ამჟამად მიმდინარეობს აპლიკანტების ტესტირება, რომლებიც სამომავლოდ ჩვენთან დასაქმდებიან", - აცხადებს მინისტრი.