ერთ-ერთი საკითხი, რაზეც მხარეებმა ისაუბრეს, რეგიონებში მიმდინარე სამშენებლო სამუშაოებია. კერძოდ, გერმანიის დახმარებით (წარმოდგენილი გერმანიის განვითარების ბანკის KFW) განხორციელებული 3 ობიექტის რეაბილიტაცია.
როგორც მინისტრმა დავით დარახველიძემ აღნიშნა: „გერმანიის სახელმწიფო დევნილთა საჭიროებების მოგვარების ერთ-ერთი მნიშვნელოვანი დონორია. გერმანული მხარის დახმარებით წყალტუბოში რეაბილიტაცია ჩაუტარდა 25 ბინიან ობიექტს, ქუთაისში გარემონტდა 65 ბინა, ფოთში კი 100 ბინიან ობიექტზე სარეაბილიტაციო სამუშაოები ერთ თვეში დასრულდება. სარეაბილიტაციო სამუშაოებზე დაიხარჯა 3 მილიონზე მეტი. დარჩენილი თანხით კი დევნილთა გრძელვადიანი განსახლებისთვის გადაწყდა საცხოვრებელი კორპუსების მშენებლობა. ზუგდიდში დევნილებისთვის აშენდება 280 ბინიანი 8 კორპუსი. მშენებლობა გაზაფხულზე დაიწყება. ყველაზე მნიშვნელოვანი, რაზეც დღეს შვთანხმდით, იყო სამომავლო გეგმები. ხელშეკრულება 2 მთავრობას შორის დევნილთა საკითხებთან დაკავშირებით მიმდინარე წელს სრულდება და ელჩმა აღნიშნა, რომ თანამშრომლობა გაგრძელდება."

მინისტრმა დავით დარახველიძემ თანამშრომლობისა და დახმარებისთვის ელჩს მადლობა გადაუხადა. ელჩმა კი აღნიშნა, რომ თანამშრომლობა გაგრძლდება: „მინისტრთან ძალიან საინტერესო შეხვედრა გვქონდა. მინისტრმა გამაცნო სამინისტროს პროექტები და ახალი ხელისუფლების ხედვა იძულებით გადაადგილებულებთან დაკავშირებით. იმედი მაქვს, რომ ის ამბიციური 4 წლიანი გეგმა, რომელიც ახალ ხელისუფლებას გააჩნია (რომ 4 წლის ვადაში მოაგვაროს დევნილთა საბინაო პრობლემები), წარმატებით განხორციელდება. რაც შეეხება გერმანიის ფედერაციული რესპუბლიკის მხარდაჭერას, სამინისტროსთან ჩვენი თანამშრომლობა გაგრძლდება. მიმდინარე წლის მაისში დაგეგმილია 2 ქვეყნის მთავრობის მოლაპარაკება და იმედი მაქვს, ეს მოლაპარაკება დევნილთა საკითხებზე თანამშრომლობის ხელშეკრულების გაფორმებით დასრულდება.

გერმანიის ფედერაციული რესპუბლიკა საქართველოს ერთ-ერთი მნიშვნელოვანი პარტნიორია. გერმანია იყო ერთ-ერთი პირველი, ვინც აგვისტოს ომის შემდეგ იძულებით გადაადგილებულ პირებს მხარდაჭერა გამოუცახა.