გარდაბნის რაიონის სოფელ ფოლადაანთკარის მოსახლეობა სასმელი წყლის, გზის რეაბილიტაციის, ბუნებრივი აირისა და ამბულატორიის პრობლემის მოგვარებას მოითხოვს.
ადგილობრივების თქმით, გარდა იმისა, რომ რთულ პირობებში უწევთ ცხოვრება, სოფლის დატბორვის საფრთხეც არსებობს, რადგან ახლოსმდებარე ტბის დამცავი ჯებირები დაზიანებულია. მოსახლეობა დახმარებას ადგილობრივ ხელისუფლებას სთხოვს, წინააღმდეგ შემთხვევაში, აცხადებენ რომ სოფელი დაიცლება.
როგორც ადგილობრივი გამგეობის წარმომადგენლები აცხადებენ, ტბის დამცავი ჯებირების შეკეთება, გზის რეაბილიტაცია და სასმელი წყლის პრობლემის ნაწილობრივ მოგვარება 2013 წლის ბიუჯეტში გათვალისწინებულია.