27 იანვარი ჰოლოკოსტის ხსენების საერთაშორისო დღეა. ამ დღეს მსოფლიოს მრავალ ქვეყანაში პატივს მიაგებენ ათასობით ადამიანის ხსოვნას. ხსოვნის ღონისძიებებს საქართველოში ისრაელის საელჩოც გამართავს.
1945 წლის 27 იანვარს საბჭოთა ძალებმა აუშვიც-ბირკენაუს საკონცენტრაციო ბანაკი გაათავისუფლეს და ევროპაში უდიდესი ნაცისტური სასაკლაო აღმოაჩინეს. აუშვიცი ადამიანის მიერ ჩადენილი უდიდესი სისასტიკისა და ჰოლოკოსტის სიმბოლოდ იქცა. 2005 წლის ნოემბერში გაერომ შეიმუშავა რეზოლუცია, რომლის თანახმადაც 27 იანვარი ჰოლოკოსტის მსხვერპლთა ხსოვნის საერთაშორისო დღედ გამოცხადდა.
ქვემოთ მოცემული ლინკით შეგიძლიათ, იხილოთ ფილმი, რომელიც დიდი ებრაელი განმანათლებლის, დოქტორი იანუშ კორჩაკზე მოგითხრობთ. კორჩაკის ცხოვრება დანახულია იცხაკ ბელფერის, კორჩაკის მიუსაფარ ბავშვთა სახლის უკანასკნელი ცოცხლადდარჩენილი ადამიანის თვალით. ისრაელელი მხატვარი ბატონი ბელფერი ამჟამად თელ ავივში ცხოვრობს და იგი 89 წლისაა.
http://www.youtube.com/watch?v=ML6cUUZmQQ0&feature=youtu.be
