საქართველო "Balttour 2013"-ში მიიღებს მონაწილეობას. 8-10 თებერვალს, რიგაში მე-20 საერთაშორისო ტურისტული გამოფენა "Balttour 2013"-ი გაიმართება, სადაც როგორც წესი ყველაზე საუკეთესო ტურისტული გარიგებები იდება. გამოფენაში 34 ქვეყანა მიიღებს მონაწილეობას და შეეცდება საკუთარი ქვეყნის ტურისტული პოტენციალის პოზიციონირება მოახდინოს. ორგანიზატორთა ვარაუდით, 3 დღის განმავლობაში გამოფენას 30 ათასზე მეტი ვიზიტორი ეყოლება. გამოფენა-ვაჭრობა მთლიანობაში 300 სტენდზე იქნება წარმოდგენილი, სადაც 700-მდე ტურისტული კომპანია მიიღებს მონაწილეობას. ორგანიზატორთა განმარტებით გამოფენა- ვაჭრობაში მონაწილეობას მიიღებენ: საქართველო, ლატვია, აზერბაიჯანი, ჩეხეთი, გერმანია, ესპანეთი, საბერძნეთი, რუსეთი, ბელორუსი, უკრაინა, ხორვატია, ტუნისი, თურქეთი, იტალია, სლოვაკეთი, ინდოეთი, განა, ტროპიკული ტაივანი, მიანმი და სხვა ქვეყნები.