მთავრობის ყოფილმა საპარლამენტო მდივანმა გია ხუროშვილმა არასამთავრობო ორგანიზაცია "სამართლებრივი გამჭვირვალობა" დააფუძნა. როგორც ხუროშვილმა "პრაიმ-ტაიმის" პრესკლუბში განაცხადა, ორგანიზაციის მიზანი ახალი ხელისუფლების მიერ მიღებული გადაწყვეტილების სამართლებრივი შეფასება და ანალიზი იქნება.
"ბევრ პოლიტიკურ ფიგურას, ჩემს მეგობრებს, მე ამ ორგანიზაციაში გაწევრიანებაზე უარი ვუთხარი და ის მხოლოდ კვალიფიცირებული იურისტებით დავაკომპლექტე. ამ ადამიანებს გააჩნიათ საკმარისი ცოდნა, გამოცდილება და ინსტიტუციური მეხსიერება, რათა ხელისუფლების მიერ მიღებულ გადაწყვეტილებებს ექსპერტიზა ჩაუტარონ", - განაცხადა ხუროშვილმა.
მისივე თქმით, ორგანიზაცია ასევე აქტიურად იმუშავებს ახალი მთავრობის მიერ საჯარო სამსახურებიდან თანამშრომლების მასობრივი დათხოვნის ფაქტებზე.