დევნილთა მინისტრი დავით დარახველიძე დღეს აფხაზეთიდან დევნილ 108 წლის ქალბატონს მარო დიხამინჯიას ესტუმრა. მინისტრი უხუცესი დევნილი ქალბატონის ჯანმრთელობის მდგომარეობით და საცხოვრებელი პირობებით დაინტერესდა და სიმბოლურად საჩუქრად ტკბილეულით სავსე კალათა მიართვა.
108 წლის მარო დიხამინჯია ვარკეთილში ყოფილი საბავშვო ბაღის შენობაში ცხოვრობს, რომელიც მას საკუთრებაში გადაეცა. ქალბატონს ჰყავს 6 შვილი, 16 შვილიშვილი და 24 შვილთაშვილი.
როგორც ოჯახის წევრებმა აღნიშნეს, პირველი შემთხვევაა, როცა სამინისტრო და კონკრეტულად მინისტრი უხუცესი ქალბატობით დაინტერესდნენ, მოინახულეს და ჰკითხეს, რაში დაეხმარონ.
"გამიკვირდა და გამიხარდა, რომ პირადად მინისტრი გვესტუმრა, ხანდაზმული ქალბატონი დააფასა და მოგვეფერა. დედაჩემი ნამდვილად ბედნიერი ქალბატონია, რომ შვილთაშვილებს მოესწრო და ყველანი კარგად და ჯანმრთელად ჰყავს. მინისტრის სტუმრობამ და მოკითხვამ ხედავთ, რა განწყობაზეც დააყენა. სასმელიც აიღო და მინისტრი დალოცა. ძალიან გვიხარია, რომ ასეთი ადამიანური ურთიერთობები გვაქვს და სახელმწიფოს ვახსოვართ" - აღნიშნა ქალბატონი მაროს ერთ-ერთმა შვილმა რეზო დიხამინჯიამ.
მინისტრის თქმით კი სასიამოვნოა იმის მოსმენა, რომ აღნიშნული ოჯახი კარგად და გამართულად ცხოვრობს და სერიოზულ დახმარება არ სჭირდება: „ქალბატონი მარიამი ყველაზე უხუცეს ქალბატონია, მეოთხე თაობასაც მოესწრო. საბედნიეროდ, იშვილათი შემთხვევაა, როცა ოჯახს თიოთქმის არანაირი დახმარება არ სჭირდება. ფართი საკმარისი აქვთ, დაკანონებულიც აქვთ და იმ მცირედ პრობლემაში, რაც მოსაგვარები აქვთ, დავეხმარევბით. ცხოვრობენ ბედნიერად ერთი დიდი გამონაკლისის გარდა, რომ მამაპაპისეულ მიწა-წყალზე ვერ ბრუნბდებიან, როგორც დანარჩენი დევნილები."
