აჭარის მთავრობის თავმჯდომარემ არჩილ ხაბაძემ შეხვედრა გამართა გაერთიანებული სამეფოსა და ამერიკის შეერთებული შტატების რელიგიური კონფესიების წარმომადგენლებთან. 22 წევრიანი დელეგაციის ვიზიტის მთავარი მიზანი იყო საქართველოს ხელისუფლებასა და რელიგიათა წარმომადგენლებთან მეგობრული თანამშრომლობის დამყარება. სტუმრობისას საუბარი შეეხო საქართველოში ანგლიკანური ეკლესიასთან, მუსლიმთა და ქრისტიანთა ურთიერთობების, ორ მონოთეისტურ რელიგიას შორის მეგობრული თანამშრომლობის გაღრმავებას, საქართველოში მოქმედ მუსლიმურ ორგანიზაციებთან სამომავლო ურთიერთობების გაგრძელებას.
სტუმრები ბათუმში ქართველ მუსლიმთა კავშირმა მოიწვია. დელეგაციის წევრებმა მოინახულეს ბათუმის ღირსშესანიშნაობები, გონიო-აფსაროსის ციხე და ბოტანიკური ბაღი. გაეცნენ ქართველი მუსლიმების ცხოვრებას და ბათუმის ორთაჯამეს ისტორიას.
