„აეროსვიტის" ბაზრიდან გასვლის შემდეგ მისი რეისების ჩანაცვლებას Wizz Air-ი ცდილობს, აღნიშნულის შესახებ ინფორმაციას უკრაინული მედია ავრცელებს. როგორც სააგენტო „ჯი-ეიჩ-ენს" სამოქალაქსო ავიაციის სააგენტოში განუცხადეს, საქართველოში უკრაინის მიმართულებით ფრენებზე შეზღუდვა არ არსებობს და რომელ ავიაკომპანიასაც სურვილი და შესაბამისი შესაძლებლობები ექნება ფრენებს თავისუფლად განახორციელებს. მათივე ინფორმაციით, საქართველოდან უკრაინის მიმართულებით მგზავრთგადაადგილებას პრობლემები არ შექმნია. როგორც სააგენტოში განმარტავენ, ამ დროისათვის Wizz Air-ს „აეროსვიტის" რეისების ათვისებაზე მათვის არ მიუმართავს.
ამ დროისათვის ფრენებს უკრაინის მიმართულებით „აირზენა" და „უკრაინის საერთაშორისო ავიახაზები" (flyuia) ასრულებენ.
შეგახსენებთ, რომ "აეროსვიტმა" საქართველოში ფრენებს უკვე შეწყვიტა, რაც თავის მხრივ კომპანიის სათაო ოფისში არსებულ ფინანსკურ კრიზისს უკავშირდება. "აეროსვიტი" ქართულ ბაზარზე 2008 წლიდან ოპერირებდა.