ბიძინა ივანიშვილი მეუღლესთან და ვაჟიშვილთან ერთად რუსთაველის თეატრში გამართულ სამოქალაქო პანაშვიდზე მივიდა და გურამ საღარაძის ხსოვნას პატივი მიაგო.
"გურამ საღარაძის გარდაცვალება დიდი დანაკლისია ქართული საზოგადოებისა და თეატრისთვის. მინდა, სამძიმარი ვუთხრა მის ოჯახს და ქართულ საზოგადოებას. გურამ საღარაძე ქართველ მსახიობთა იმ თაობის წარმომადგენელი იყო, რომლებმაც ქართულ თეატრში მთელი ეპოქა შექმნეს. მან 50 წლის განმავლობაში არაერთი თვალსაჩინო როლი შექმნა. მისმა ნათქვამმა ლექსმა ქართულ პოეზიას დიდი ხიბლი და ჰარმონია შესძინა. მინდა, კიდევ ერთხელ მივუსამძიმრო ქართულ საზოგადოებას", - განაცხადა საქართველოს პრემიერ-მინისტრმა რუსთაველის თეატრში მსახიობის სამგლოვიარო ცერემონიალზე სიტყვით გამოსვლისას.
ბიძინა ივანიშვილმა, ოჯახის წევრებთან ერთად, ცნობილი ქართველი მსახიობი უკანასკნელ გზაზე გააცილა. მსახიობი გურამ საღარაძე დიდუბის მწერალთა და საზოგადო მოღვაწეთა პანთეონში დაკრძალეს.