მოსკოვში რუსულენოვანი ჟურნალის „ტიფლის"-ის გამოსაცემად ემზადებიან. როგორც გამომცემლობა "დომირას" ხელმძღვანელმა სერგეი სკოსირევმა თბილისში, "რია ნოვოსტის" პრესცენტრში განაცხადა, ჟურნალი თებერვალში ან მარტში გამოვა და მთლიანად დაეთმობა საქართველოს, მის ხალხს და კულტურას. მისივე თქმით, ჟურნალის მთავარი რედაქტორი, შესაძლოა, იგორ ობოლენსკი გახდეს.
ჟურნალი მოსკოველი ქართველების მხარდაჭერით გამოიცემა.
თავის მხრივ, ობოლენსკიმ პრესკონფერენციაზე განაცხადა, რომ „ტიფლის"-ის პირველი ნომერი მიეძღვნება საქართველოს პატრიარქს და მის იუბილეს, რომელიც ერთი კვირის წინ გაიმართა თბილისში.