"კახეთის მოსახლეობისთვის საბანკო ანგარიშების გახსნის შემდეგ კომპენსაციების დარიგება დაიწყება", -განაცხადა მთავრობის სხდომის დაწყებამდე რეგიონული განვითარებისა და ინფრასტრუქტურის მინისტრმა დავით ნარმანიამ.
,,მოსახლეობის მხრიდან გულის წყრომა არ უნდა იყოს. მიმდინარეობს საბანკო ანგარიშების გახსნა 28 500 დაზარალებულ ოჯახზე და ანგარიშების დასრულების შემდეგ ეტაპობრივად დაიწყება კომპენსაციების დარიგება. თითოეული სოფლის რწმუნებული ინფორმირებული იქნება იმ ოჯახებთან დაკავშირებით, თუ რომელ დღეს უნდა გამოცხადდნენ საბანკო დაწესებულებებში იმისათვის, რომ თავიდან ავირიდოთ რიგები და პროცესი მაქსიმალურად მოწესრიგებულად წარიმართოს", _განაცხადა ნარმანიამ და აღნიშნა, რომ საშუალოდ თითოეული ოჯახი 6-8 000-მდე ლარს მიიღებს.
