,,რუსთავი-2" - რა გეშველებათ კაცო", -აღნიშნული განცხადება პრემიერ-მინისტრმა ივანიშვილმა სომხეთში გამართულ პრესკონფერენციაზე ,,რუსთავი-2"-ის კორესპონდენტის შეკითხვის საპასუხოდ გააკეთა, რომლის კითხვაც მთიანი ყარაბაღის ეხებოდა.
„რა გეშველებათ, კაცო?! ათასი განმარტება გაკეთდა უკვე ამაზე. შვილო ათასჯერ გააკეთეს უკვე განმარტება, ათასჯერ პასუხი გავეცით, თვითონ „რუსთავი 2"-მა გააკეთა განმარტება. სხვა ვერაფერი ვერ მოიფიქრეთ ამის მეტი?",- განაცხადა ივანიშვილმა და აღნიშნა, რომ ფანჯიკიძის განცხადება დაამახინჯეს.
„ყველაზე მეტს აქტიურობდა სწორედ ეს ტელევიზია. ორი დღე ხარობდნენ ამ თემით. მერე თვითონვე გააკეთეს განმარტება და ნახეს, რომ ტყუილად ხარობდნენ, არაფერი არ იყო იქ შეცდომა", - განაცხადა ივანიშვილიმა.
შეგახსენებთ, რომ მედიაში გავრცელებული ინფორმაციით, მაია ფანჯიკიძემ ლიტვაში ვიზიტისას განაცხადა, რომ ყარაბაღის კონფლიქტის დარეგულირება მხოლოდ აზერბაიჯანის ტერიტორიული მთლიანობის სასარგებლოდ არის შესაძლებელი.
