შიდა ქართლის ახალი გუბერნატორი ანდრო ბარნოვი საზოგადოებასთან შეხვედრებს იწყებს. ხვალ ის გორის მუნიციპალიტეტის საკრებულოსთან არსებული საზოგადოებრივი დარბაზის წევრებს შეხვდება. შეხვედრა გაცნობითი ხასიათისა იქნება. გუბერნატორს სურვილი აქვს დარბაზის წევრებისგან მიიღოს ინფორმაცია გორში არსებული ვითარებაზე, პრობლემებზე და მათი გადაჭრის გზებზე ,ასევე გააცნოს საკუთარი ხედვები ქალაქის საზოგადოების წარმომადგენლებს.
გორის მუნიციპალიტეტის საკრებულოსთან არსებული დარბაზი ერთი წლის წინ შეიქმნა. მასში გაწევრიანებულნი არიან ადგილობრივი არასამთავრობო ორგანიზაციების, მედიის და საზოგადოების სხვადასხვა სფეროს წარმომადგენლები.
დარბაზის წევრებსა და გუბერნატორს შორის შეხვედრის ეს პირველი შემთხვევაა.