„საქართველოს ხალხთა ასამბლეის" პრეზიდენტი გოჩა ძასოხოვი პოლიტპატიმართა გათავისუფლებას მიესალმება დ მას ისტორიულ პროცესს- საქართველოს გამარჯვებას უწოდებს.
"ჯი-ეიჩენი" ძასოხივის განცხადებას უცვლელად გთავაზობთ:
ეს დიდი ისტორიული პროცესია - საქართველოს გამარჯვებაა!
„საქართველოს ხალხთა ასამბლეა" მიესალმება საქართველოს ახალი ხელისუფლების გაბედულ გადაწყვეტილებას დაასრულოს ქვეყანაში პოლიტიკური პატიმრებისა და პოლიტიკური დევნილების არსებობის სამარცხვინო ისტორია.
მართლაც შემაშფოთებელი იყო და არის ამ პოლიტიკური სიმახინჯის მასშტაბი საქართველოს უახლეს ისტორიაში. მსოფლიომ არ იცის ქვეყანა, სადაც ციხეში ამდენი ადამიანი იყოს აგენტის, სამშობლოს მოღალატის, ქვეყნის მტრის ბრალდებით... არ იცის ქვეყანა, რომელსაც ამდენი პოლიტიკური დევნილი ჰყავდა და ჰყავს. საოცრებაა, როცა ქვეყნის სამომავლოდ მომართული ადამიანი მშიშარა პრეზიდენტის და ხელისუფლების სამარცხვინო ბრალდებებით ზის ციხეში, ან დევნილია საკუთარი ქვეყნიდან.
მე ეს პირადად ვიწვნიე და ვიცი, რა საშინელებაა, როცა შენს ქვეყანას გართმევენ, როცა გებრძვიან მხოლოდ იმიტომ, რომ პრეზიდენტის პოლიტიკურ პოზიციას არ იზიარებ.
ამ უბედურებიდან ქვეყნის დახსნის ისტორიული პროცესი დაიწყო. დაიწყო მძლავრად. ეს 2012 წლის 1 ოქტომბრის შედეგია... მისი გაგრძელებაა. ეს საქართველოს გამარჯვებაა!
ეჭვი რ გვეპარება, რომ უახლოეს პერიოდში საქართველო იქნება ქვეყანა პოლიტპატიმრებისა და პოლიტდევნილების გარეშე. ეს დიდი დემოკრატიული გადრაქმნების შედეგი იქნება.
ჩვენ იმედით ვუყურებთ ამ პროცესს!
„საქართველოს ხალხთა ასამბლეის" სახელით ვულოცავ საქართველოს ახალ ხელისუფლებას ამ გაბედული ნაბიჯის გადადგმას... ვულოცავ ყველას, ვინც ციხის საკანი დატოვა! თავის ქვეყანაში დაბრუნების უფლება მიიღო! ვულოცავ მათ ოჯახებს და ახლობლებს! ვულოცავ სრულიად საქართველოს!
მწამს და მჯერა, რომ საქართველოს მომავალი თავისუფალ ადამიანებთან არის დაკავშირებული და ჩვენ, დემოკრატიული პროცესებით გაერთიანებული თავისუფალი ადამიანები, ჩვენი ქვეყნისთვის, მართლაც, სასწაულის მოხდენას შევძლებთ.
