სრულიად საქართველოს კათოლიკოს-პატრიარქს ილია მეორეს საიუბილეო თარიღებთან დაკავშირებით უკრაინის ეკლესიისა და უკრაინის პრეზიდენტის ორდენები გადაეცა. უწმინდესსა და უნეტარესს უკრაინის ელჩმა საქართველოში ვასილ ციბენკომ უკრაინის პრეზიდენტის ჯილდო პირველი ხარისხის ორდენი გადასცა.
უკრაინის მართლმადიდებელი ეკლესიის მთავარეპისკოპოსმა ალექსანდრე დრაბინკომ კი საქართველსო პატრიარქი ანტონ და ფიოდორ პეჩორელების სახელობის უკრაინის მართლმადიდებელი ეკლესიის ორდენით დააჯილდოვა.
როგორც ციბენკომ ჟურნალისტებს განუცხადა, უკრაინის პრეზიდენტ ვიქტორ იანუკოვიჩმა სრულიად საქართველოს კათოლიკოს-პატრიარქს პირველი ხარისხის ორდენი საქართველო-უკრაინას შორის სულიერი და კულტურული კავშირების გაღრმავებასთან დაკავშირებით გადასცა.