კორპორაცია „მაიკროსოფტმა" Windows 8-ის ბაზარზე გამოტანის შემდეგ, სულ რაღაც 2,5 თვეში, ოპერაციული სისტემის 60 მილიონი ლიცენზირებული ასლი გაყიდა. ამის შესახებ „ვინდოუსის" ოფიციალური ბლოგი იუწყება. „ვინდოუს 8"-ის გაყიდვის ტემპებმა, გადააჭარბა მისი წინამორბედის, „ვინდოუს 7"-ის გაყიდვის მაჩვენებელს.
ამ სისტემაზე, დიდ იმედებს ამყარებენ როგორც თავად „მაიკროსოფტი", ისე კომპიუტერული ტექნოლოგიების მრავალრიცხოვანი მწარმოებლები, თუმცა, კომპანიის ხელმძღვანელები, შექმნის პირველ ეტაპზე, მას თავის ერთ-ერთი ყველაზე სარისკო პროდუქტს უწოდებდნენ. „ვინდოუს8"-ის სარეკლამო კამპანია, რომელიც მსოფლიოს მასშტაბით წარიმართება, კორპორაციის ისტორიაზე ყველაზე მასშტაბური იქნება.
2012 წლის ნოემბერში, „მაიკროსოფტის" ტოპ-მენეჯერი, სტივენ სინოფსკი, რომელიც ოპერაციული სისტემა „ვინდოუსის" შექმნასა და მარკეტინგზე აგებდა პასუხს, საკუთარი სურვილით პოსტიდან წავიდა. მას შემდეგ ამ საკითხებზე პასუხისმგებელი კორპორაციის ვიცე-პრეზიდენტი, ჯულია ლარსონ-გრინია. საერთო მაჩვენებლის მიხედვით კი, მიუხედავად ახალი პროდუქტის გამოშვებისა, უკანასკნელი ფინანსური წლის განმავლობაში, „მაიკროსოფტის" ფლაგმანი პროდუქტის - ვინდოუსის გაყიდვებმა მნიშვნელოვნად იკლო.