ბაგრატის ტაძარს შესაძლოა, იუნესკოს მფარველობა მოეხსნას, -აღნიშნულის შესახებ საქართველოს კულტურისა და ძეგლთა დაცვის მინისტრმა, გურამ ოდიშარიამ მსოფლიო მემკვიდრეობის ცენტრის დირექტორ ფრანჩესკო ბანდარინისთან შეხვედრის შემდეგ განაცხადა. როგორც გურამ ოდიშარია განმარტავს აღნიშნულთან დაკავშირებით, საბოლოო გადაწყვეტილება პირველ თებერვალს იქნება მიღებული მას შემდეგ რაც იუნესკოს კომიტეტის სხდომა გაიმართება.
,,ხანდახან რესტავრაციის დროს საერთოდ დგება საშიშროება ძეგლის დაკარგვის ანუ მფარველობის დაკარგვის საფრთხე იუნესკოში. დაახლოებით მსგავსი რაღაც არის ბაგრატთან დაკავშირებით. წინასწარ ვერაფერს ვიტყვი, რადგან კომიტეტის სხდომა პირველ თებერვალს არის დაგეგმილი. არ ვიცი, რამდენად მოვასწრებთ საბუთების მომზადებას იმასთან დაკავშირებით, რომ როგორმე შენარჩუნდეს ბაგრატი, როგორც ძეგლი. არსებობს რამდენიმე ვარიანტი და ამაზეც ვისაუბრეთ. თუ საბუთების მომზადება ვერ მოვასწარით, ვთხოვთ, ეს საკითხი გადადონ", - აღნიშნა გურამ ოდიშარიამ.
შეგახსენებთ, რომ იუნესკოს წარმომადგენლები ფრიქრობენ, რომ დღევანდელი ბაგრატი "იუნესკოს" ნორმებს აღარ შეესაბამება და ის ასეთი სახით კულტურული მემკვიდრეობის ნუსხაში ვეღარ დარჩება