დღეს, 9 იანვარს, ალილოს მსვლეობისას შეგროვებული ნობათი ბავშვთა და მოხუცებულთა სახლებს და გაჭირვებულ ადამიანებს გადაეცემა. ორგანიზატორებს ტრანსპორტს დედაქალაქის მერია გამოუყოფს.
შეგახსენებთ, რომ ალილოს მონაწილეებმა მსვლელობა ვარდების მოედნიდან სამების საკათედრო ტაძრის მიმართულებით დაიწყეს. მსვლელობას წინ მიუძღვებიან სასულიერო პირები. ასევე, მსვლელობაში მონაწილეობდნენ სტიქაროსნები და ეროვნულ სამოსში გამოწყობილი მოქალაქეები. მსვლელობა თეატრალიზებული იყო. მსვლელობის მონაწილეებმა გაირეს რუსთაველის გამზირი, თავისუფლების მოედანი, პუშკინის ქუჩა. კონკასთან მონაწილეთა ჯგუფი საპატრიარქოში გადავიდაა. იქ ალილოს მონაწილეებს პატრიარქი შეხვდა და ტკბილეული გადასცა. შემდეგ მსვლელობა ბარათაშვილის ქუჩაზე გაგრძელდა. აქ ერთმა ჯგუფმა პრეზიდენტის სასახლისკენ გადაინაცვლა, სადაც ალილოს მონაწილეებს ტკბილეული პრეზიდენტმაც გადასცა და მსვლელობაში მონაწილეებს შობა მიულოცა. ასევე გაიმართა მეორე მსველობა ისნის მეტროდან სამების მიმართულებით.