„ბი-ბი-სი", გაზეთ „გარდიანის" სტატიის მიხედვით, საქართველოში სიკჰების უჩვეულო მიგრაციის შესახებ იუწყება. არავინ იცის, თუ რატომ დაიწყო ეს სტიქიური მოძრაობა ინდოეთის და პაკისტანის პენჯაბიდან საქართველოში, თუმცა, ვრცელდება ინფორმაცია, რომ ასობით სიკჰი ფერმერის ყურამდე მივიდა ხმები, რომ კავკასიის ამ ქვეყანაში ასობით ჰექტარი ნაყოფიერი მიწები სოფლის მეურნეობის განადგურების გამო, მიტოვებულია - ნათქვამია სტატიაში.
პენჯაბის მიწები ადგილობრივებს ყველას არ ჰყოფნის. სტატიის ავტორი 38 წლის ტუჯინდერ სინგხს ესაუბრა, რომელის ბოლო ხანებში დუსელდორფში მზარეულად მუშაობდა, თუმცა, შემდეგ ყველაფერი მიატოვა და საქართველოში 50 ჰექტარი მიწა იჯარით აიღო. თავად სინგჰმა კარგად არ იცის, სად მდებარეობს მისი მომავალი ფერმა - თურქეთის თუ სომხეთის საზღვართან, მაგრამ ის თანხა - 950 დოლარი, რომელიც 99 წელიწადში ჰექტარზე უნდა გადაიხადოს იჯარაში, უფრო ნაკლებია, ვიდრე იგივე მიწა თავის სამშობლოში დაუჯდებოდა.
„გარდიანის" ცნობით, უკანასკნელ ასწლეულში, სიკჰების მასობრივი გადასახლების სულ რამდენიმე ტალღაა ცნობილი, მათ შორის, ერთი კანადაში და მეორე - აღმოსავლეთ აფრიკაში. საქართველოში მიგრაციაში კი უჩვეულო ისაა, რომ საქართველოს ხელისუფლება ამ გადასახლებას მხარდაჭერას სულაც არ უწევს. ხელისუფლება სიკჰებს აფრთხილებს, რომ მათ იქ არავინ ელოდებათ, მით უმეტეს, რომ ამ პატარა ქვეყანაში თავისუფალი მიწები არცთუ ისე ბევრია.
შეგახსენებთ, რომ სიკჰი ათ ყველაზე გავრცელებულ რელიგის შორის ერთ-ერთია. მას მსოფლიოში 25 მილიონი მიმდევარი ჰყავს.