პირველი ივლისიდან საქართველოს ყველა მოქალაქისთვის მშობიარობა უფასო გახდება, _აღნიშნულის შესახებ ჟურნალისტებთან ჯანდაცვის კომიტეტის თავმჯდომარემ განაცხადა და საქართველოს საპატრიარქოს წმინდა იოანესა და ანას სახელობის სამედიცინო ცენტრში ახალშობილი ანდრია ნოზაძე მოინახულა.
ანდრია შობის ღამეს 00:01 საათზე დაიბადა. დიმიტრი ხუნდაძემ პატარა ანდრიასა და სხვა პაციენტებს შობა-ახალი წელი მიულოცა და ჯანმრთელობა უსურვა.
ჯანდაცვის კომიტეტის თავჯდომარის თქმით, პირველი ივლისიდან საქართველოს ყველა მოქალაქისთვის მშობიარობა უფასო გახდება. პროცედურა ერთიანი სადაზღვევო ფონდიდან იქნება დაფინანსებული.
დიმიტრი ხუნდაძის თქმით, 2013 წელს ჯანდაცვა პრიორიტეტული იქნება.
