სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ ალილოს მონაწილეებს შობა მიულოცა დალოცა და ტკბილეულობა გადასცა.
"შობას გილოცავთ, ამ ბედნიერ დღეს, ქრისტეშობას. გილოცავთ თქვენ და მთელს საქართველოს. განსაკუთრებით მინდა მივულოცო აფხაზეთსა და ცხინვალს. ღმერთმა ინებოს საქართველოს მთლიანობა და ბედნიერება. ჩვენთან არს ღმერთი", - ბრძანა პატრიარქმა.
უწმინდესმა ალილოს მონაწილეები საპატრიარქოში მიიწვია. ალილოს მონაწილეებმა საპატრიარქოს შენობის ირგვლივ გალობით მსვლელობა მოაწყვეს.