პარლამენტის აპარატის თანამაშრომლებმა ალილოს მონაწილეებს საჩუქრები გადასცეს. Aალილოს მსვლელობაში მონაწილე ადამიანებს საკანონმდებლო ორგანოს თანამშრომლები, პარლამენტის ვიცე-სპიკერთან და ხელისუფლების წარმომადგენლებთან ერთად საკანონმდებლო ორგანოს ყოფილ შენობასთან შეხვდნენ საჩუქრები გადასცეს და შობის დღესასწაული მიულოცეს.
,,ჩვენ პარლამენტის თანამშრომლები ვუერთდებით ამ ტრადიციას და ულოცავთ ჩვენს ყველა თანამემამულეს შობას და 2013 წელი უკეთესი ყოფილიყოს", _განაცხადა მანანა კობახიძემ.
შეგახსენებთ, რომ ალილოს მონაწილეებმა მსვლელობა ვარდების მოედნიდან სამების საკათედრო ტაძრის მიმართულებით დაიწყეს. მსვლელობას წინ მიუძღვებიან სასულიერო პირები. ასევე, მსვლელობაში მონაწილეობენ სტიქაროსნები და ეროვნულ სამოსში გამოწყობილი მოქალაქეები. მსვლელობა თეატრალიზებულია. მსვლელობის მონაწილეები გაივლიან რუსთაველის გამზირს, თავისუფლების მოედანს, პუშკინის ქუჩას. კონკასთან მონაწილეთა ჯგუფი საპატრიარქოში გადავა. იქ ალილოს მონაწილეებს პატრიარქი შეხვდება და ტკბილეულს გადასცემს. ამასთან, უწმინდესი ალილოს მონაწილეებს დალოცავს. შემდეგ მსვლელობა ბარათაშვილის ქუჩაზე გაგრძელდება. აქ ერთი ჯგუფი პრეზიდენტის სასახლისკენ გადაინაცვლებს, სადაც ალილოს მონაწილეებს ტკბილეულს პრეზიდენტიც გადასცემს და მსვლელობაში მონაწილეებს შობას მიულოცავს. ალილოს სვლეობისას შეგროვებული ნობათი კი 9 იანვარს ბავშვთა სახლებს და მოხუცებსა და გაჭირვებულ ადამიანებს გადაეცემა.
