შობის დღესასწაულზე საქართველოს მასშტაბით წვიმაა მოსალოდნელი. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის ხელმძღვანელმა სვეტა ნიორაძემ განაცხადა, არამდგრადი ამინდი 11 იანვრამდე შენარჩუნდება, ხოლო 9 იანვარს მოსალოდნელია ნალექი თოვლის სახით.
"საქართველოს მასშტაბით 7 იანვარს წვიმას ველოდებით და რვა იანვარსაც მოსალოდნელია წვიმა და ზოგიერთ რაიონებში თოვლჭყაპი. ზეგ, 8 იანვარს გორსა და დასავლეთ საქართველოს ზოგიერთ რაიონში შესაძლოა წამოთოვოს. ხოლო 9 იანვარს საქართველოს მთელს ტერიტორიაზე თოვლს ველოდებით", _ განაცხადა "ჯი-ეიჩ-ენთან" საუბარში სვეტა ნიორაძემ და აღნიშნა, რომ არამდგრადი ამინდი 11 იანვრამდე შენარჩუნდება. ანალოგიური ამინდი შენარჩუნდება თბილისშიც.
