დღეს, 4 იანვარს, პროკურატურამ სასამართლოს, ფინანსთა სამინისტროს საგამოძიებო სამსახურში, ფულის გათეთრების ეპიზოდზე მიმდინარე საქმეზე, ირაკლი ოქრუაშვილისთვის აღმკვეთი ღონისძიების გირაოთი შეცვლის წინადადებით მიმართა.
"ქართული პარტიის" ინფორმაციით, მოსამართლემ პროკურატურის კანონიერი მოთხოვნა არ დააკმაყოფილა და ოქრუაშვილი პატიმრობაში დატოვა. ამ კონკრეტული ბრალდებით მას პატიმრობის ორთვიანი ვადა 7 იანვარს ეწურება.
მანამდე, 31 დეკემბერს, პროკურატურამ თბილისის საქალაქო სასამართლოს ოქრუაშვილისთვის აღმკვეთი ღონისძიების ერთი თვით გაგრძელების მოთხოვნით მიმართა, მაგრამ რადგან დაკავების ოქმი არ იქნა წარმოდგენილი, მოსამართლემ დაკავების ვადის გამოთვლა ვერ შეძლო და პროკურატურის მოთხოვნა არ დააკმაყოფილა.
აღსანიშნავია, რომ ამავე საქმეზე ბრალდებული პირები შეყვანილი არიან პარლამენტის მიერ დამტკიცებულ პოლიტპატიმართა და პოლიტდევნილთა სიაში და ამინისტიის კანონის ამოქმედებისთანავე მათზე სისხლის სამართლებრივი დევნა შეწდება.
ირაკლი ოქრუაშვილთან დაკავშირებულ სხვა ეპიზოდებზე სასამართლო პროცესები 9, 10 და 11 იანვარს არის ჩანიშნული.
