ნინო ბურჯანაძე და „დემოკრატიული მოძრაობა" უწმინდესსა და უნეტარესს ილია მეორეს 80 წლის იუბილეს ულოცავს. როგორც გავრცელებულ განცხადებაშია აღნიშნული უწმინდესი და უნეტარესი ილია მეორე, საქართველოს უახლესი ისტორიის, უდიდესი საეკლესიო და საზოგადო მოღვაწე გახლავთ. კათალიკოს-პატრიარქის ცხოვრებისა და მოღავაწეობის თითოეული დღე სავსეა საკუთარ ქვეყანასა და ხალხზე ზრუნვით, მოყვასის უსაზღვრო სიყვარულით, სათნოებითა და სასოებით.
უწმინდესმა და უნეტარესმა ილია მეორემ ეკლესია, 35 წლის წინ, უმძიმეს ვითარებაში ჩაიბარა. მისი საჭეთმპყრობლობის პერიოდში საქართველოს ეკლესიის ეპარქიათა რიცხვი 15-დან 39-მდე გაიზარდა. ჩვენი ქვეყნის მრავალსაუკუნოვანი ისტორიის მანძილზე სწორედ მისი მოღვაწეობის პერიოდში აშენდა და რესტავრაცია გაუკეთდა ყველაზე მეტ ეკლესია-მონასტერს, აშენდა საქართველოში ყველაზე დიდი ეკლესია - წმინდა სამების საკათედრო ტაძარი.
დღეს საქართველოს ეკლესია მსოფლიოში ერთადერთია მსოფლიოს მართლმადიდებულ ეკლესიებს შორის სადაც წმინდა სინოდის ყველა წევრი ერთი პატრიარქის მიერაა ნაკურთხი.
უწმინდესმა და უნეტარესმა ილია მეორემ საკუთარ ცხოვრებასა და მოღვაწეობას "მზიანი ღამე" უწოდა.
ნინო ბურჯანაძე და „დემოკრატიული მოძრაობა" უდიდესი მოწიწებითა და სიყვარულით ულოცავს უწმინდესისა და უნეტარესს, სრულიად საქართველოს კათალიკოს-პატრიარქს, მცხეთა-თბილისის მთავარეპისკოპოსს და ბიჭვინთისა და ცხუმ-აფხაზეთის მიტროპოლიტს ილია მეორეს დაბადების 80 და ინტრონიზაციის 35 წლის იუბილეს, უსურვებს ჯანმრთელობას, მხნეობასა და ხანგრძლივ სიცოცხლეს. დაე მისი უწმინდესობის ლოცვა-კურთხევის მადლი კიდევ დიდხანს იფარავდეს და ეწეოდეს ჩვენს სამშობლოს და სრულიად მართლმადიდებელ სამყაროს, _ნათაქვამია განცხადებაში.
შეგახსენებთ, რომ ილია მეორეს 80 წელი შეუსრულდა,
