შსს საპატრულო პოლიციის დეპარტამენტი ახალი წლის მოახლოვებასთან დაკავშირებით მუშაობის გაძლიერებულ რეჟიმზე გადადის.
შსს-ს ინფორმაციით, მთელი ქვეყნის მასშტაბით მოსახლეობის უსაფრთხოების დაცვის მიზნით, საპატრულო პოლიციის ეკიპაჟების რაოდენობა მაქსიმალურად იქნება მობილიზებული.
"საპატრულო პოლიცია რეკომენდაციით მიმართავს მოსახლეობას და მოუწოდებს, რომ ახალი წლის დღეებში თავი შეიკავონ არაფხიზელ მდგომარეობაში ავტომობილების მართვისაგან", - აცხადებს შსს.
