,,ელექტროენერგიაზე ტარიფის შემცირება მოჩვენებითია და საქართველოს ენერგეტიკის მომავლის ხარჯზე ხორციელდება", -განაცხადა პარტიის ოფისში გამართულ პრესკონფერენციაზე ,,ნაციონალური მოძრაობის" გენერალურმა მდივანმა ივანე მერაბიშვილმა, ელექტროენერგიაზე ტარიფის შემცირების კომენტირებისას.
,,საქართველოს მოსახლეობის თითქმის 40% მეტი ანუ 500 000-ზე მეტი დღეს პირველ კატეგორიაშია ანუ 100 კვ.სთ-მდე ელექტროენერგიას ხარჯავს და იხდის შესაბამის ანაზღაურებას. თვეში ასეთი ოჯახისთვის ახალი მთავრობის რეფორმით გაკეთდება ეკონომია _ 3, 54 ლარით. Mმგონია, ესაა მოტყუება ქართველი ხალხის, ქართველი ამომრჩევლის. ქართველ ხალხს დარწმუნებული ვარ, არ ჰქონდა ასეთი მოლოდინი მთავრობის გეგმებთან დაკავშირებით", _ განაცხადა მერაბიშვილმა და აღნიშნა, რომ შემცირებული თანხა ბიუჯეტში გათვალისწინებული არ არის.
,, არც ბატონი ბიძინა არ აპირებს საკუთარი ჯიბიდან ამ თანხის გადახდას და ეს მოჩვენებითი შეღავათი ხორციელდება საქართველოს ენერგეტიკის მომავლის ხარჯზე და ჩვენი მომავლის ხარჯე", -განაცხადა მერაბიშვილმა.
შეგახსენებთ, რომ ელექტროენერგიის ტარიფი 1-ლი იანვრიდან შემცირდება, - ამის შესახებ მთავრობის სხდომის დაწყებამდე ჟურნალისტებს ენერგეტიკისა და ბუნებრივი რესურსების მინისტრმა კახა კალაძემ განუცხადა.
მისი თქმით, 100 კილოვატ საათზე ტარიფები 27%-ით, 300 კილოვატზე კი, 21,5%-ით შემცირდება, რაც საერთო ჯამში, გამოიწვევს ელექტროენერგიის ტარიფის 3,5 თეთრით კლებას.
მისი თქმით, ტარიფის კლება მოხდება მხოლოდ და მხოლოდ კომპანიების ხარჯზე.
რაც შეეხება გაზის ტარიფს, როგორც კალაძემ განაცხადა, ამაზე მიმდინარეობს მუშაობა და ამ ეტაპზე მან ციფრების დასახელებისგან თავი შეიკავა.
