განათლების სამინისტროს ინფორმაციით, „2012 წლის ბიუჯეტის შიდა რესურსის მობილიზების ხარჯზე 7.5 მლნ ლარზე მეტი დაიზოგა. დაზოგილი თანხებიდან დაახლოებით 2,4 მილიონი ლარი მიმდინარე წელს კახეთში მომხდარი სტიქიის შედეგად დაზარალებული ოჯახის წევრი სტუდენტების 2012-2013 სასწავლო წლის სწავლის საფასურის დაფინანსებას მოხმარდება. ხოლო დარჩენილი თანხებით საახალწლოდ საჯარო სკოლის მასწავლებელთა და ადმინისტრაციულ ტექნიკური პერსონალის წახალისება მოხდება. ისინი საახალწლოდ დაახლოებით 60-65 ლარს მიიღებენ. გაიზრდება საჯარო სკოლის პედაგოგთა ხელფასები თვეში დაახლოებით 70-80 ლარით და ამისთვის ბიუჯეტიდან 50 მილიონი ლარი გამოიყოფა, სტუდენტებისთვის კი სახელმწიფო სტიპენდიები გაორმაგდება. გაიზარდა სასწავლო გრანტის დაფინანსება ბაკალავრიატის სტუდენტებისთვის. მომავალი წლიდან იგეგმება დოქტორანტურის სტუდენტთა დაფინანსებაც დაახლოებით ერთი მილიონი ლარით, თუმცა როგორ მოხდება დაფინანსება, ეს სქემა მუშავდება".
ხოლო იმ მოსწავლეებისთვის, რომელთაც სკოლიდან სახლამდე ფეხით დიდი მანძილის გავლა უწევდათ, სპეციალური ტრანსპორტი გამოიყოფა.