მილიონობით ადამიანი მთელ მსოფლიოში, „მოუთმენლად" ელოდა „სამყაროს აღსასრულს" , რომელიც მაიას კალენდრის მიხედვით, დღეს უნდა დადგეს. ამასთან დაკავშირებით, რიგ ადგილებში სრული ისტერია დაიწყო.
მაგალითად, რუსეთის დედაქალაქში დაახლოებით 300 ადამიანი მიქისქვეშა, 65 მ სიღრმის ბუნკერში ჩავიდნენ, რომელიც „ცივი ომის" პერიოდიდან არის შემორჩენილი. ეს ყველაზე გამაგრებული ადგილია რუსეთში. გავრცელებული ხმების მიხედვით, მხოლოდ იქ შეიძლება გადარჩნენ, „სამყაროს დასასრულის" შემთხვევაში. ხალხმა თან ჩაიტანა საკვები, წყალი, საჭირო ნივთები, რომელიც „აპოკალიფსის" შემდეგ დასჭირდებათ. თავშესაფრის ბილეთები კი, რუსული მეიის ცნობით, საკმაოდ ძვირად გაიყიდა.
აშს-ის მიჩიგანის შტატში, „სამყაროს აღსასრულის" მიზეზით, ატეულობით სკოლა საშობაო არდადეგებამდე ორი დღით ადრე დაიხურა. სკოლების ადმინისტრაციის გადაწყვეტილებით, ყველა მეცადინეობა, კლასგარეშე გაკვეთილები და სპორტული ღონისძიებები, რომელიც ხუთშაბათსა და პარასკევს იყო დაგეგმილი, გადაიდო. ცალკეულმა ოჯახებმა თავშესაფრებში გადაინაცვლეს, სადაც წინასწარ მომარაგებული აქვთ საკვები და წყალი.
სერბეთში, ისინი ვისაც აპოკალიფსის სჯერათ, რტანის მთასთან შეიკრიბდნენ. ლეგენდის თანახმად, ეს არის ადგილი, სადაც „სამყაროს აღსასრულის" შემთხვევაში ადამიანები გადარჩებოდნენ.
მაიას ტომების სამშობლოს, გვატემალასა და მექსიკას, ათასობით ტურისტი მიაწყდა, რომელთაც ძველი ცივილიზაციის ნანგრევებთან სურდათ 21 დეკემბრის შეხვედრა. გვატემალას ტურისზმის სამმართველოს ინფორმაციით, ყველაზე პატარა ქალაქებშიც კი სასტუმროები გადაჭედილია. თუმცა, მიუხედვაად ამისა, ადგილობრივი მოსახლეობა ამ ყველაფრის გამო უკმაყოფილებას გამოთქვამს. როგორც ადგილობრივები აცხადებენ, ისინი შეურაცხყოფილები არიან იმის გამო, რომ მათი საუკუნოვანი ისტორიისა და კულტურისაგან ვიღაცეებმა შოუ შექმნეს და დიდი ფული გააკეთეს.
