ხვალ, 21 დეკემბერს, 12:00 საათზე, ევროკავშირი და გაეროს განვითარების პროგრამა (UNDP) რვა კვადროციკლს გადასცემენ საქართველოს სასაზღვრო პოლიციას. აღჭურვილობის ღირებულება 67 ათასი აშშ დოლარია. მისი მეშვეობით განხორციელდება სასაზღვრო პატრულირება საქართველო-აზერბაიჯანის საზღვრის დედოფლისწყაროს მონაკვეთზე (საქართველოს სასაზღვრო პოლიცია, კანდელაკის ქ. # 12, t. 599 196907).
კვადროციკლების გადაცემას დაესწრებიან საქართველოს სასაზღვრო პოლიციის ხელმძღვანელი კობა ბოჭორიშვილი, გაეროს განვითარების პროგრამის (UNDP) ხელმძღვანელის მოადგილე ინიტა პაულოვიჩა და ევროკავშირის პროექტის მენეჯერი ქეთევან ხუციშვილი.
საზღვრის ერთიანი მართვის სამხრეთ კავკასიური პროგრამა (SCIBM): ევროკავშირი და UNDP ხელს უწყობენ აზერბაიჯანის, საქართველოსა და სომხეთის მთავრობებს დანერგონ საზღვრის მართვის ერთიანი სისტემა, რომელიც ღია და ამავდროულად უსაფრთხო საზღვრებს უზრუნველყობს. სამწლიანი ინიციატივა, რომლის ღირებულება 6.3 მილიონ ევროს აღემატებოდა, განხორციელდა მიგრაციის პოლიტიკის საკითხებში საერთაშორისო ცენტრთან (ICMPD) და ევროკავშირის წევრი სახელმწიფოების კონსორციუმთან (ლატვია, ესტონეთი, ლიტვა, საფრანგეთი, ჩეხეთის რესპუბლიკა და პოლონეთი) თანამშრომლობით. პროგრამა 2012 წლის დეკემბრის ბოლოს დასრულდება. 2012 წლის ნოემბრიდან ევროკავშირი და UNDP განახორციელებენ ახალ 18-თვიან პროექტს საქართველო-სომხეთის საზღვარზე ნინოწმინდა-ბავრას გამშვები პუნქტის ხელშეწყობის მიზნით.
