რუსეთის დუმა მიღებული დადგენილებით "დიმა იაკოვლევის" კანონში შეტანილი ცვლილების მოქმედებას არა მხოლოდ აშშ-ზე, არამედ მსოფლიოს ყველა ქვეყანაზე ავრცელებს. ინფორმაციას ამის შესახებ რუსული მედია ავრცელებს.
"დიმა იაკოვლევის კანონი" რუსეთში აშშ-ის მიერ "მაგნიტსკის კანონის" მიღების საპასუხოდ მიიღეს. მასში შეტანილი ცვლილების მიხედვით, კანონპროექტის მოქმედება უნდა გავრცელდეს "იმ სახელმწიფოების მოქალაქეებზე, რომლებმაც მიიღეს გადაწყვეტილება რუსეთის მოქალაქეების ჩასვლის აკრძალვისა და რუსეთის მოქალაქეების აქტივების დაყადაღების შესახებ იმ მოტივით, რომ რუსეთის მოქალაქეები რუსეთის ფედერაციაში ადამიანის უფლებების დარღვევების თანამონაწილენი არიან".
შეგახსენებთ, რომ აშშ-ში გაშვილებული დიმა იაკოვლევი ორი წლის იყო, როცა გარდაიცვალა იმის შედეგად, როდესაც ამერიკელმა მამამ ის ცხრა საათს სიცხეში მანქანაში ჩაკეტილი დატოვა.
