21 დეკემბერს, 19:00 საათზე, შოთა რუსთაველის სახელობის კინოსა და თეატრის სახელმწიფო უნივერსიტეტში გაიმართება მოკლემეტრაჟიანი ფილმების ფესტივალი, სახელწოდებით "ყველაზე მოკლე დღე". ფესტივალის ფარგლებში ნაჩვენები იქნება ფრანგული ფილმები პარიზის თეამაზე და საქართველოს კინემატოგრაფიის ეროვნული ცენტრის მიერ წარმოებული ქართული ფილმები.
მოკლემეტრაჟიანი ფილმები პარიზის თემაზე - "პარიზი დღეს": "ადრე... მაგრამ ახლა", ტონი მარშალი, 1994; "ალერსი სამზარეულოში", სებასტიენ ლონდენბახი, 2004; "ლუქსემბურგის აფრიანი ნავები", ნიკოლა ენჟელი, 2005; "კვირა დღეა", სამირ გესმი, 2008; "უცნაური გაკვეთილი", ღაფაელ შევენმანი, 2007. ხოლო, ქართული მოკლემეტრაჟიანი ფილმები 2012: ნანა ექვთიმიშვილის "დედა"; თორნიკე ბზიავას - "ბუდე"; გაბრიელ რაზმაძის - "შავი თუთა".
ქართული ფილმები ნაჩვენები იქნება ფრანგული სუბტიტრებით, ფრანგული - ქართული სუბტიტრებით.
ფესტივალის ორგანიზატორია ფრანგული ინსტიტუტი, საქართველოს კინემატოგრაფიის ეროვნული ცენტრი და შოთა რუსთაველის სახელობის კინოსა და თეატრის სახელმწიფო უნივერსიტეტი.
