"დემოკრატიული მოძრაობა" ქალაქ ნიუთაუნის სენდი ჰუკის სკოლაში დატრიალებული ტრაგედიის გამო მწუხარებას გამოთქვამს.
"გულწრფელ სამძიმარს უცხადებს ამერიკელ ხალხს და თანაუგრძნობს დაღუპულთა ოჯახებს, დატრიალებული ტრაგედიის გამო. შეგვძრა იმ საშინელმა ტრაგედიამ, რომელმაც 20 ბავშვისა და შვიდი პედაგოგის სიცოცხლე შეიწირა. ურთულესია მოიძებნოს სიტყვები იმ მწუხარებისა და ტკივილის შესამსუბუქებლად, რასაც მთელი ამერიკელი ხალხი და დაღუპულთა ოჯახები განიცდიან", - აღნიშნულია მათ მიერ გავრცელებულ განცხადებაში.
"დემოკრატიული მოძრაობა" იმედს გამოთქვამს, რომ მსგავსი ტრაგედია არასოდეს განმეორდება და სიმხნევეს უსურვებს ამერიკელ ხალხს მძიმე წუთებში.