საქართველოს პარლამენტის თავმჯდომარემ, დავით უსუფაშვილმა, საქართველოში ვიზიტით მყოფი ფრანგი სენატორი ნატალი გულე მიიღო. შეხვედრა გაცნობითი ხასიათის იყო. მხარეებმა ქვეყნებს შორის საპარლამენტო დონეზე თანამშრომლობის საკითხები განიხილეს.
დავით უსუფაშვილმა და ნატალი გულემ აღნიშნეს, რომ აუცილებელია გაღრმავდეს არსებული ურთიერთობები. ფრანგი სენატორის განცხადებით, იგეგმება საფრანგეთის პარლამენტის დელეგაციის საქართველოში ვიზიტი. საქართველოს პარლამენტმა ფრანგ სენატორს უმასპინძლა
დღესვე, ნატალი გულე საქართველოს პარლამენტის ევროპასთან ინტეგრაციის კომიტეტის თავმჯდომარეს, ვიქტორ დოლიძეს, თავდაცვისა უშიშროების კომიტეტის თავმჯდომარეს, ირაკლი სესიაშვილს და საგარეო ურთიერთობა კომიტეტის თავმჯდომარეს, თედო ჯაფარიძეს შეხვდა. შეხვედრაზე განხილული იყო საქართველოს ნატოსთან ურთიერთობის, მათ შორის მაპ-ის მინიჭებისა და ევროკავშირთან ინტეგრაციის პროცესის ხელშეწყობის საკითხები.
ქართველმა პარლამენტარებმა ფრანგ სენატორს მიაწოდეს ინფორმაცია იმ სამუშაოს შესახებ, რასაც პარლამენტი 2013 წლის სახელმწიფო ბიუჯეტის დამტკიცების პროცესში ახორციელებეს.
"საფრანგეთი საქართველოს ძალიან მნიშვნელოვანი პარტნიორია, განსაკუთრებით ნატოსთან და ევროკავშირთან ინტეგრაციის მიმართულებით. მაქსიმალურად უნდა ვითანამშრომლოთ და ურთიერთობის ახალ ეტაპზე გადავიდეთ. იგეგმება საპარლამენტო დელეგაციების გაცვლითი ვიზიტები", - განაცხადა ევროპასთან ინტეგრაციის კომიტეტის თავმჯდომარემ, ვიქტორ დოლიძემ შეხვედრის დასრულების შემდეგ ჟურნალისტებთან საუბრისას.