საკანონმდებლო ორგანოში პარლამენტის თავმჯდომარემ დავით უსუფაშვილმა უმრავლესობის წევრ კობა დავითაშვილს ბიუროს სხდომა დაატოვებინა.
დავითაშვილი პარლამენტის ბიუროს წევრი არ არის, მაგრამ დღევანდელ სხდომას მის მიერ მომზადებული კანონპროექტების პლენარული სხდომების დღის წესრიგში ჩასმის გამო დაესწრო.
დავითაშვილმა ბიუროს მიმდინარეობისას ორჯერ დააყენა მის მიერ ინიცირებული პროექტების დაჩქარებული წესით განხილვის საკითხი. ეს არის სისხლის სამართლის კოდექსში ცვლილებების შეტანისა და საკუთრების ჩამორთმევის შესახებ კანონში ცვლილებების საკითხი.
პარლამენტის თავმჯდომარის განცხადებით, დავითაშვილმა რეგლამენტით დადგენილი წესი დაარღვია, რის გამოც მას სხდომის დატოვება მოსთხოვეს.
