"საერთო ჯამში, პირველი ასეთი კონტაქტის კვალობაზე ცუდი შეხვედრა არ იყო და როგორც ასეთ შემთხვევაში ამბობენ ხოლმე შეხვედრამ საქმიან ვითარებაში ჩაიარა", _ განაცხადა შვეიცარიაში რუსეთის საგარეო საქმეთა მინისტრის მოადგილესთან გრიგორი კარასინთან გამართული შეხვედრის შემდეგ საქართველოს პრემიერ-მინისტრის სპეციალურმა წარმომადგენელმა ზურაბ აბაშიძემ პირველ ბრიფინგზე.
მისივე თქნით, შეხვედრისას აღნიშნა, რომ ჩვენს სახელმწიფოებს შორის ურთიერთობები ფაქტობრივად ჩიხშია მოქცეული და საჭიროა ამ ჩიხიდან გამოსავლის ძიება.
"შეხვედრაზე ჩვენ დასაწყისისათვის ჩვენ განვსაზღვრეთ სავაჭრო, ტრანსპორტის, ჰუმანიტარულ-კულტურული საკითხები და რეგულარული საავიაციო მიმოსვლის აღდგენის თემა. მოვილაპარაკეთ, რომ ჩვენი დიალოგი გაგრძელდება რეგულარულ საფუძველზე და ვიმსჯელეთ ამ ფორმატის ტექნიკურ ასპექტებზე", _ განაცხადა ზურაბ აბაშიძემ.
