იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ სამინისტროში ირანის ისლამური რესპუბლიკის საგანგებო და სრულუფლებიან ელჩს უმასპინძლა. ირანელ დიპლომატთან შეხვედრა გაცნობით ხასიათს ატარებდა. მხარეებმა დევნილთა და ლტოლვილთა საკითხები განიხილეს და თანამშრომლობაზეც შეთანხმდნენ.
ირანის ისლამური რესპუბლიკის დიპლომატიური მისიის ხელძძვანელმა საქართველოში მაჯიდ სამადზადე საბერიმ დავით დარახველიძეს ირანში ლტოლვილების შესახებ ესაუბრა და საკუთარი სახელმწიფოს გამოცდილება გაუზიარა. ასევე, აღნიშნა, რომ კარგი იქნება აღნიშნული გამოცდილების გასაზიარებლად ირანში ვიზიტი ან საერთაშორისო კონფერენციის დაგეგმვა.
დიპლომატმა საქართველოსა და ირანს შორის წარმატებულ სამეზობლო პოლიტიკაზეც გაამახვილა ყურადღება. აღნიშნა, რომ ორ ქვეყანას შორის იმპორტ-ექსპორტი წარმატებით ხორციელდება და თანამსრომლობა კიდევ უნდა განვითარდეს.
მინისტრმა დავით დარახველიძემ დიპლომატს იძულებით გადაადგილებილ პირთა განსახლებაზე, საჭიროებებსა და სტრატეგიაზე ესაუბრა. აღნიშნა, რომ სამუშაო კიდევ ბევრია, რადგან 55 000-მდე ოჯახი ჯერ კიდევ მოლოდინის რეჟიმშია და საბინაო პრობლემები მოგვარებული არ აქვს. მინისტრმა ელჩს მადლობა გადაუხადა სტუმრობისთვის და აქტიურ თანამშრომლობაზეც შეთანხმდნენ.
მასალის გამოყენების პირობები