საქართველოს პრეზიდენტმა დღეს დიდი ბრიტანეთისა და ჩრდილოეთ ირლანდიის გაერთიანებული სამეფოს საგანგებო და სრულუფლებიანი ელჩი ბრწყინვალების საპრეზიდენტო ორდენით დააჯილდოვა.
პრეზიდენტის ადმინისტრაციის ინფორმაციით, მიხეილ სააკაშვილმა ჯუდით გოფის დიპლომატიური მოღვაწეობის პერიოდში გაწეული საქმიანობისთვის, საქართველოსა და დიდი ბრიტანეთისა და ჩრდილოეთ ირლანდიის გაერთიანებულ სამეფოს შორის ურთიერთობის განმტკიცების საქმეში შეტანილი წვლილისათვის მადლობა გადაუხადა.
პრეზიდენტის სასახლეში ქვეყნის პირველმა პირმა დიდი ბრიტანეთისა და ჩრდილოეთ ირლანდიის გაერთიანებული სამეფოს საგანგებო და სრულუფლებიან ელჩთან გამოსამშვიდობებელი შეხვედრა გამართა.
ჯუდით გოფი საქართველოში დიპლომატიური მისიით 2010 წლიდან იმყოფება.
