საქართველოს პრეზიდენტმა ხანუქას მერვე დღეს სანთელი აანთო და ებრაელ ერს, მათ შორის, საქართველოში მცხოვრებ ებრაელებს დღესასწაული მიულოცა. სანთლის დანთების ცერემონიალს ებრაელთა მთავარი რაბინი და ისრაელის ელჩი დაესწრნენ.
ქვეყნის პირველმა პირმა ორ ერს შორის არსებულ ტრადიციულ და ისტორიულ ურთიერთობაზე ისაუბრა და აღნიშნა, რომ ქართულ-ებრაული კულტურა საერთო ეროვნული ქართული კულტურის განუყოფელი ნაწილია.
ებრაული საზოგადოების გადაწყვეტილებით, სადღესასწაულო სანთლის ანთების პატივი მსოფლიოში სამ პრეზიდენტს საქართველოს, ამერიკის და ისრაელის ლიდერებს აქვთ მინიჭებული.
ხანუქა ერთ-ერთი უძველესი და უდიდესი ებრაული დღესასწაულია, რომელიც ტაძრის გათავისუფლებასა და კერპებისაგან განწმენდას უკავშირდება. დღესასწაულის აღსანიშნავად, ებრაელები რვაქიმიან მენორაზე სანთლებს ანთებენ, რომლებსაც მათ სახლში მომავლის რწმენა და იმედი შემოაქვს.
მასალის გამოყენების პირობები