საქართველოს ყოფილი საგარეო საქმეთა მინისტრი გრიგოლ ვაშაძე ამბობს, რომ მან 39 წელი გაატარა რუსეთში და ხშირად გაუგონია პრივატულ საუბრებში ფრაზა - "პრინიატო რეშენიე აბხაზიუ ნე ვოზვრაშატ". ეს განცხადება გრიგოლ ვაშაძემ საზოგადოებრივ მაუწყებელზე გადაცემა "აქცენტებში" გააკეთა.
"მე 39 წელი გავატარე რუსეთში და ბრწყინვალედ ვიცი და მაქვს გაგონილი ფრაზები - "პრინიატო რეშენიე აბხაზიუ ნე ვოზვრაშატ", "პოსლე ვოინე ვნე ბილა სლუჩაია ჩტობ ბეჯენცი ვერნულის", "ნატო პრივიკატ კ ნოვოი რეალნოსტი" - ამას ამბობდდნენ ადამიანები, რომლებიც პრივატულ საუბრებში თავიანთ თავს ჩემს მეგობრებს ეძახდდნენ", _ აცხადებს ვაშაძე და აღნიშნავს, რომ ის, როგორც კერძო მოქალაქე გამოხატავს შეშფოთებას რომელიც მას აქვს.
"მე გამოვხატავ იმ შეშფოთებას, რომელიც მაქვს - ჩვენ შევდივართთ თამაშში და ზუსტად უნდა ვიცოდეთ წესები, მოდალობები, უნდა ვიცოდეთ ვინ არის არბიტრი, იმიტომ რომ საწინააღმდეგო შემთხვევაში, მათი სიტყვა იქნება ჩვენი სიტყვის საწინააღმდეგო დ,ა მაპატიეთ, ჩვენი და რუსეთის ბიუჯეტიდან გამომდინარე ვის აქვს უფრო მეტი პროპაგანდისტური შესაძლებლობები ჩვენ თუ მათ?!", _ კითხვას სვამს ვაშაძე და ხაზგასმით აღნიშნავს: "უნდა გვახსოვდეს ფუნდამენტალურად, რომ არავითარ შემთხვევაში ეს პროცესი არ უნდა გაიწელოს დროში".