"რუსეთმა ახლა ჩათვალა, რომ შეიძლება რაღაცა მიიღოს, ამიტომ დასთანხმდა ამ მოლაპარაკებებზე", _ განაცხადა საქართველოს ყოფილმა საგარეო საქმეთა მინისტრმა გრიგოლ ვაშაძემ საზოგადოებრივ მაუწყებელზე გადაცემა "აქცენტებში".
"რუსეთმა ახლა ჩათვალა, რომ შეიძლება რაღაცა მიიღოს, ამიტომ დასთანხმდა ამ მოლაპარაკებებზეც და იმ იდიოტურ დემარშზე, რომელიც ჟენევის მოლაპარაკებებში პირად ხარისხში წარმოდგენილი აფხაზების და ოსების ერთ ერთი თემის წარმომადგენლებმა მოაწყვეს იმ ისტერიკაზე.
საქართველოში არ არსებობს არც ის ფენა და არც ის პოლიტიკური ძალა და მე ამაში ღრმად ვარ დარწმუნებული რომელიც ოდესმე დასთანხმდება ჩვენს ევროპულ და ევროინტეგრაციულ სტრატეგიულ კურსზე უარის თქმას ან დეოკუპაციაზე უარის თქმას", _ აცხადებს ვაშაძე და აღნიშნავს, რომ - "დანარჩენი ყველაფერი დეტალია - რუსეთის ფედერაცია თვლის, რომ მას სჭირდება მოსინჯვა".
"მე უკვე ვთქვი, რომ რუსეთთან დიალოგი იქნება შესაძლებელი მხოლოდ მას შემდეგ, რაც კრემლში ფუნდამენტალურად, კარდინალურად შეიცვლება ხელისუფლება", _ აცხადებს ყოფილი საგარეო საქმეთა მინისტრი.