სოფლის მეურნეობის მინისტრის მოადგილემ დავით შერვაშიძემ ქართული პროდუქციის გამოფენა - "აირჩიე ქართული გუდვილთან ერთად'' გახსნა და ქართველ მეწარმეებს გაესაუბრა.
,,სასიამოვნოა, რომ მცირე და საშუალო ფერმერებს მიეცათ საშუალება წარმოადგინონ საკუთარი პროდუქცია, რაც ადგილობრივ ნაწარმს პოპულარიზაციაში დაეხმარება. მოვუწოდებთ ჩვენს მოქალაქეებს შეიძინონ ქართული პროდუქცია, რადგან მომხმარებლის გვერდში დგომა ჩვენი ფერმერებისთვის ძალიან მნიშვნელოვანია. იმ სხვა პროექტებთან ერთად, რომლებსაც ჩვენ ვახორციელებთ, განსაკუთრებული ყურადღება რეგიონებში მცირე და საშუალო ბიზნესის წახალისება-განვითარებას მიექცევა. ვიმედოვნებთ, რომ სხვა სახელმწიფო უწყებებთან ერთად, საერთო ძალისხმევით, გაიზრდება ჩვენი პროდუქციის საექსპორტო ბაზარიც", - განაცხადა დავით შერვაშიძემ.
ღონისძიება ჰიპერმარკეტ "გუდვილში'' საქართველოს სოფლის მეურნეობის სამინისტროს მხარდაჭერითა და კომპანია "გუდვილის'', ასევე "გაყიდვების მართვის კომპანიის'' ორგანიზებით იმართება. გამოფენის გახსნას სოფლის მეურნეობის მინისტრის მოადგილე დავით გალეგაშვილი, ეკონომიკისა და მდგრადი განვითარების მინისტრის მოადგილე ქეთევან ბოჭორიშვილი, ბიზნეს სექტორის, საერთაშორისო ორგანიზაციების და სახელმწიფო სტრუქტურების წარმომადგენლები ესწრებოდნენ.
30-მდე მწარმოებელი საქართველოს სხვადასხვა რეგიონიდან, გამოფენაზე საკუთარ პროდუქციას წარმოადგენს. გამოფენა "აირჩიე ქართული გუდვილთან ერთად'' მიზნდად ისახავს ადგილობრივი მცირე მეწარმეების წარმოჩენას და მოსახლეობისთვის გაცნობას. ასევე ქართული ნატურალური პროდუქციის პოპულარიზაციას