ქართულ ღვინოს რუსულ ბაზარზე დაბრუნებისთვის სპეციალური დაბრკოლებები არ გააჩნია, ამის შესახებ განცხადებას რუსეთის მთავარი სანიტარი გენადი ონიშენკო აკეთებს.
„რომელი ხელოვნური ბარიერები?"- კითხულობს ონიშენკო და დასძენს, რომ რუსეთში პროდუქციის შეტანაზე განაცხადი უკვე 30-მა ქართულმა კომპანიამ შეიტანა.
„ჩვენ მზად ვართ ქართველ მწარმოებლებს აქ შევხვდეთ, თუმცა ჩვენთვის მნიშვნელოვანია წარმოება ადგილზე დავათვალიეროთ"- განაცხადა ონიშენკომ.
რუსეთის მთავარი სანიტარის განმარტებით, თუ კი ყველაფერი რიგზე იქნება შესაძლოა რუსულ ბაზარზე საკონტროლო პარტიის შეტანა დაიწყება.
ონიშენკოს განმარტებით, წლის ბოლომდე ქართული პროდუქციის ბაზარზე დაბრუნება ვერ მოხერხდება. „ძალიან ცოტა დროა დარჩენილი, ალბათ ეს ახალი წლის შემდეგ მოხდება"- დასძინა ონიშენკომ.